Maga-istoryahanay sanday US President Joe Biden kag si Chinese President Xi Jinping samtang ginaduso sang Amerika nga indi pagsuportahan sang China ang ginahimo sang Russia nga pagpang-atake sang Ukraine.
Una diri, nagpaguwa na sang pandam ang Biden administration nga mangatubang sang kunsekwensya ang Beijing kun maghatag ini sang material support kay Russian President Vladimir Putin.
Ginapahayag man nga ang ginahingyo sang Russia amo ang military equipment kag mga pagkaon para sa Russian soldiers nga gin-deploy sa Ukraine.
Suno sa anunsyo sang White House, magatawganay sanday Biden kag Xi buwas, Byernes nga adlaw sa Washington.
Ginapahayag nga lunsay nag-sugot ang US kag ang China sa amo nga phone call.
Sa karon, indi pa makapahayag ang White House kun ano ang mangin eksakto nga reaksyon sang Estados Unidos kag sang Western Countries kun magpasugot ang China sa hingyo sang Russia. ##
