Nagapanawagan si Vice President Leni Robrero sa gobyerno nga indi pagpahanugutan ang mga Chinese nationals nga magtrabaho sa mga “offshore gambling firms” sa pungsod nga ginadumilian sa China.
Ini matapos nga gin-imbestigahan sang Puerto Princesa, Palawan ang operasyon sang Octofox IT Solutions nga ginapahayag na-angot sa illegal online gambling.
Gina-alegar yara sa 260 ka mga Chinese workers ang nakasulod sa pungsod nga wala sang working visa kag nagatinir sa 12 ka mga hotels kag inns sa Palawan.
Gin-engganyo man niya ang gobyerno nga mangin ‘transparent’ sa pagsulundad nga pahanugutan ang madamo pa nga ga Chinese nga magtrabaho sa Pilipinas.
Una na nga ginpahayag ni Department of Labor and Employment Secretary Silvestre Bellio III nga makatrabaho lamang ang mga Chinese national sa Pilipinas kun ang trabaho ang indi masarangan sang Pinoy.// Kinahanglan nga ang mga Filipino sa gihapon ang prayoridad para sa mga trabaho sa pungsod.
