Wala sang plano si Senate President Francis Escudero nga magpasaka sang kaso batok kay former President Rodrigo Duterte apisar sang pahayag sini nga pangpatyon ang mga senador agud makapwesto ang iya gina-endorso nga mga kandidato.
Suno kay Chiz, daw wala niya man nabatyagan nga kabahin siya sa 15 ka mga senador nga ginatumod sang former president.
“Para sa akin, I don’t feel alluded to. Parang hindi ko naman naramdaman na isa ako sa 15. Hindi ko alam kung sino, pero parang hindi naman ako kasama doon,” kabahin sang statement sini sa press briefing.
Ginpahayag man sang senate president nga bisan makasulubo ang amo sini nga mga statement, daw naanad naman ang mga Pinoy nga amo sini ang panghambal ni Duterte sa sulod sang anum ka tuig sang siya pa ang president.
“Pangalawa, nakakalungkot man ‘yung mga ganyang pahayag, namamanhid man tayo sa mga ganyang pahayag, parang okay na rin dahil nasanay tayo ng anim na taon na ganun. Sana kung may sagot man doon, kung may bwelta man doon, kung may sukli man ‘yun, siguro sa balota na lang natin tignan sa pamamagitan ng ating mga kababayan, at ‘wag na sa pamamagitan ng demanda, personally sa parte ko.”
Ginklaro man sini nga ang iya statement ang wala nagasakop sa iban nga mga senador: “But I cannot speak for the other senators neither am I speaking for the Senate because we have not talked about this matter. But I don’t think any of the senators felt threatened by that remark.”
Ginpahayag ni Duterte ini nga “joke” sa campaign rally sang PDP-Laban sang nagligad nga semana.
Matandaan nga nagpasaka na sang reklamo si Philippine National Police-Criminal Investigation and Detection Group (CIDG) chief Police BGen General Nicolas Torre III sa Department of Justice (DOJ) kaangot sa amo nga “lahog” sang former chief executive.#
