Wala sang nakit-an nga problema si Senate President Francis ‘Chiz’ Escudero sa bag-o nga mandu ni President Ferdinand “Bongbong” R. Marcos Jr. nga ilakip ang “Bagong Pilipinas” hymn and pledge sa flag-raising rites sang government offices kag institutions nga ginapatigayon kada semana.
Kun siya lang ang pamangkuton suno sa senate president, wala man sang malain kun kantahon ukon isambit ang mga tinaga nga nagasaad nga dapat may yara sang paglaum, may pagbinuligay, kag mag-ambisyon nga mapaayo pa ang Pilipinas.
“Pero sa ganang akin kung ako tatanungin, wala namang masamang awitin o sambitin ang mga katagang dapat mayroon tayong pagasa , dapat magtulungan tayo, dapat ambisyunin nating umangat ang ating bansa, dapat magtulungan tayo. Wala naman akong nakikitang masama dun,” pahayag ni Escudero, Hunyo 11.
Dugang pa sini, “At hindi lamang ito ika nga pagpapaalala sa ating mga sarili, pagpapaaalala din ito sa mga opisyal ng gobyerno na ito ang mga bagay-bagay na pwedeng singilin sa amin ng ating mga kababayan na kakanta o aawit nito lalong-lalo na sa mga paaralan.”
Bisan wala siya nagapamatok diri, ginsiling ni Escudero nga i-refer niya ini sa Senate Secretariat agud tun-an kun pwede ini mangin kabahin sang ila flag ceremony sa Senado.
Bilang independent branch sang gobyerno suno sa iya, indi sakop ang Senado sa sini nga direktiba sang presidente.
Ini nga mandu ang nakabutang sa idalom sang Memorandum Circular (MC) No. 52 nga ginpaguwa sang Hunyo 4 apang Domingo lamang nasapubliko ang kopya.
Sa idalom sini nga circular, ang tanan nga government agencies kag instrumentalities lakip na ang government-owned and/or controlled-corporations kag educational institutions ang ginamanduan nga ilakip ang Bagong Pilipinas Hymn and Pledge sa kada weekly flag ceremonies apang subject sa existing laws, rules and regulations. Gina-engganyo man ang local government units nga himuon man ini.
