Indi gusto ni Senate President Francis “Chiz” Escudero nga si Senator Ronald “Bato” dela Rosa ang magapanguna sa imbestigasyon sang Senado batok sa war on drugs sang anay Duterte administration.
Gin-athag ini ni Escudero sang ginduso ni Senate Deputy Minority Leader Risa Hontiveros nga magtipon na lang ang Senate Committee of the Whole kun imbestigaran gid man ang amo nga kampanya ni Duterte.
Suno kay Escudero, magakonsulta pa siya sa iban nga mga senador, apang na-istorya na niya si Dela Rosa nga indi siya luyag nga sila ni Bong Go ang magpamuno sa komite nga magapangusisa sa amo nga kontrobersyal nga isyu.
“Well haharapin namin ‘yan sa susunod na mga araw, kokonsultahin ko ang ibang mga miyembro pero nakausap ko na si Senator Bato kaugnay niyan at ang sinabi ko sa kanya, anumang imbestigasyon na nais niya’t patungkol sa kanya mismo at kay Senator (Bong) Go, mas maganda siguro kung hindi sila manguna ng komiteng ‘yun para walang alegasyon na ito ay personal at hindi impartial at hindi fair,” pahayag ni Escudero.
Gusto sang senate president nga malikawan ang mga komento nga indi patas ang dalagan sang Senate investigation bangud si Bato nga kaalyado ni Duterte amo ang chief sang Philippine National Police (PNP) sang tion sang drug war samtang si Go naman ang long-time aide man sang former president.
Pananglitan iduso nga Senate Committee of the Whole ang maga-uyat sini, mangin presider si Escudero. Depende sa iya kun imbitaron sini si former President Duterte.
Una naman nga nagsiling si Dela Rosa nga magalunsar ini sang motu proprio investigation sa war on drugs kun sa diin isa ang former president sa mangin resource persons.#
Photo: Jonathan Cellona
