𝗜𝗟𝗢𝗜𝗟𝗢 𝗖𝗜𝗧𝗬—Gina-propose sang Iloilo City Health Office (CHO) ang P7,040,000 nga budget sa Iloilo City Council para sa state of calamity bangud man sa mataas nga numero sang dengue cases sa syudad.
Sa interview sang Bombo Radyo kay Dr. Annabelle Tang, Head sang Iloilo City Health Office, iya ginpahayag nga ang proposed nga pondo ang gamiton sa pag-procure sang mga testing kits and supply.
Suno kay Tang, ibakal man ini sang mga misting equipment kag mga bulong batok sa lamok nga ipangatag sa tagsa ka mga barangay sa Iloilo City.
Ginpahayag man sini nga tinutuyo man sang talatapan nga mapadasig nga mapanubo ang numero sang mga nagpositibo sa dengue.
Gin-ako naman sang natungdan nga anay na nga ginalantaw sang talatapan ang dengue outbreak antes ginrekomenda sang City Disaster Risk Reduction and Management Council ang state of calamity.
Natalana naman nga iplastar bwas nga adlaw ang breakdowns sa kon diin pagid gamiton ang nasambit nga pondo.
Santo pinakabag-o nga record sang City Health Office, sugod sang Enero tubtob Agosto 27, 2024, naglab-ot na sa 903 ang kaso sang dengue, kon sa diin apat na ang na-record nga napatay.
