ILOILO CITY – Ginpanginwala sang City Health Office ang naggwa nga balita nga may yara na sang nagtaliwan bangud sa Coronavirus Disease 2019 sa Iloilo.
Sa interview sang Bombo Radyo kay Dr. Mary Jane Juanico, pinuno sang Infectious Disease Section sang Department of Health 6 iya ginpahayag nga wala sang kamatuoran ang nagalapta nga balita nga may yara na sang pasyente nga nagtaliwan bangud sa COVID-19.
Suno kay Juanico wala sila sang nabaton nga official report may kaangtanan sa nasambit nga balita.
Nagpanugyan si Juanico sa publiko nga agud malikawan ang paglapta sang sala nga impormasyon makig-angot lang sa Department of Health mismo ukon sa City Health Office.
Nahibaluan nga sa subong may yara na sang 913 ka Persons Under Monitoring sa syudad sang Iloilo kag 24 naman ang Persons Under Investigation.
