ILOILO CITY – Ginpaandaman sang Commission on Human Rights (CHR) ang gobyerno sa red-tagging nga ginahimo sa mga indibidwal.
Ini ang kasunod man sang pagtudlo ni Presidente Rodrigo Duterte sa mga opposition lawmakers bilang mga rebelde.
Suno kay CHR spokesperson Jacqueline de Guia, mahimo mabutang sa peligro ang kabuhi sang mga gintumod sang presidente nge rebelde.
“The CHR does not delve into who is a communist or not. Ang sa amin lang is just we would like (We would just like) to caution government against making sweeping generalizations because it endangers lives,” pahayag ni de Guia.
Ginpahayag ni de Guia nga nagakadapat nga sundon ang nagakaigo nga pamaagi sa pagtumod sang isa ka tawo nga rebelde kag indi lang basta nga mag-akusar sa mga ini nga wala sang pamatuod.
Gin-athag sang natungdan ang kinalain sang mga tawo nga nagapanumdom sang lain batok sa gobyerno kag ang nagapatigayon sang kalakasan batok sa gobyerno.
“They should observe the principle of distinction in doing red-tagging because clearly there must be a delineation between those who think different against government and those who have taken up arms against government.”
There is “nothing wrong” in having a left-leaning ideology if it does not translate into violence, dugang pa ni De Guia.
Ginpahayag sang natungdan nga kun legal nga pamaagi ang ginahimo sang mga mamalidha kaangay sang pag-upod sa partylist, indi ini makabig nga pag-alsa batok sa gobyerno.
“If they are using legal means such as joining partylists then clearly that is not taking up arms against the government,” pahayag ni De Guia.
“The freedom of belief is absolute as long as they do not take up violence.”
Matandaan nga nag-ugat ang pahayag ni Duterte kasunod sang kamatayon sang anak ni Bayan Muna Rep. Eufemia Cullamat nga si Jevilyn Cullamat sa engkwentro sa tunga sang militar kag New People’s Army sa Surigao del Sur sang damlag lang.
Tun-an man sang CHR kun bala nasunod ang mga principles sa International Humanitarian Law sa nasambit nga operasyon.
