ILOILO CITY– Nagpanagtag sang compensasyon ang Commission on Human Rights (CHR) sa mga nabiktima sadto sang Martial law sa idalom sang administrasyon ni the late President Ferndinand Marcos.
Ini ang ginpatiayon sa Iloilo Sports Complex kag ini ang ginpangunahan sang International American lawyer nga si Atty. Robert Swift .
Sa interview sang Bombo Radyo kay Mr.Alvin Astronomia, coordinator sang distribution of compensationon human rights violation during hawaiian ruling, iya ginpahayag nga nagdangat sa P75,000 ang ginpanagtag sa mga nabiktima sang martial law sa Iloilo.
Ini na suno kay Astronomia ang ika-tatlo nga beses humalin sang tuig 2011 nga nagpanagtag sang kompensasyon sa mga nabiktima.
Ang nasambit nga kwarta suno kay Astronomia ang nagikan sa mga ginpang-auction nga mga koleksyon sang mga paintings sang pamilya Marcos sa diin si Atty. Swift mismo ang naga research.
Ang mga benipesyaryo ang ginalakipan sang mga biktima sang ano man nga sahi sang pagpang-abuso sadto kaangay nalang sang pagpatay, pagpareso ukon pag-torture.
Ginapasigurado naman nila suno kay Astronomia nga nagakadto sa mga nagakaigo nga benipesyaryo ang kompensasyon sa diin ang mga claimants ang kinahanglan nga magdala sang mga dokumento kaangay sang birth certificates, death certificates sang napatay nga mga biktima, special power of attorney kag iban pa.
Samtang sa interview sang Bombo Radyo kay Atty. Robert Swift,iya ginpahayag nga ini na ang ikatatlo nga beses nga nagpatigayun sila sang pagpanagtag sang kompensasyon sa mga nabiktima ang martial law sa diin ang kwarta ang nagikan sa koleksyon sang mga Marcos nga gina-auction.
