ILOILO CITY – Nakahimo sang pinakauna nga goal ang Portuguese superstar nga si Cristiano Ronaldo para sa iya bag-o nga club nga Al Nassr.
Ang goal ni Ronaldo ang nagsalbar sang ila nga team nagikan sa isa ka 2-2 draw sa ginpatigayon nga Saudi Pro League match.
Ang 37 anyos nga five-times Ballon D’Or winner ang napaslawan nga makapuntos sa iya debut sang nagligad nga bulan.
Si Ronaldo ang nagpirma sang duha ka tuig kag tunga nga deal sa Al Nassr sang Disyembre.
Base sa mga reports, ang deal ang nagabalor sang 200 million euros ukon P11.616 trillion kag gin-appoint nga captain sa labing madali nga panahon matapos ang iya pagsulod sa team.
Sa subong, ang Al Nassr ang nagapanguna sa standing sa Saudi League.
