Jaro, Iloilo City – Nagasentro sa pagselebrar sa pagkabun-ag sang anak sang Diyos nga si Hesukristo ang Paskwa.
Sa interview sang Bombo Radyo kay Msgr. Meliton Oso, direktor sang Jaro Archdiocesan Social Action Center, iya ginpahayag nga ang matuod nga kahulugan sang paskwa amo ang maghatag, indi magkuha.
Suno kay Oso, ini man ang tion sang paghiliusa kag pagpalanggaanay.
Pahayag niya, kaangay sang Diyos, nagakadapat nga sundon siya nga halimbawa nga magbulig sa mga pigado.
Dugang niya, ang paskwa kahigayunan nga magpalapnag sang paghigugma sa tanan, ilabi na sa pamilya.
