ILOILO – Liwat nga ginbuksan sa publiko ang Christmas lights sa Iloilo Provincial Capitol grounds may kaangtanan sa Dinagyang Festival 2020.
6:00 subong nga kasisidmon, natalana nga pasigahon ang madu-agon nga Christmas lights matapos ang ginpatigayon nga ribbon cutting nga ginpangunahan ni Iloilo Gov. Arthur Defensor Jr.
Sa interview sang Bombo Radyo kay Defensor, iya ginpahayag nga magabulig ang probinsya sang Iloilo sa Dinagyang festival.
Suno kay Defensor, pagabuksan ang Capitol grounds tubtub sa Enero 26 kag ang Casa Real de Iloilo ang magaserbe nga Art venue kun sa diin makita ang mga coffe shop kag art exhibits.
Ginpahayag ni Defensor nga may yara man sang trade exhibits sang mga produkto sang probinsya sang Iloilo nga mahimo mabakal.
Lauman man nga may yara sang sadsad nga patigayunon agud nga mabatyagan gid ang Dinagyang Fever.
