ILOILO – Patigayunon sa Disyembre 17 ang simultaneous nga Christmas Party sang Police Regional Office 6.
May kaangtanan diri, may pila ka mga pahanumdom ang Police Regional Office 6 tuhoy sa ginadumili-an sa pagpatigayon sang Christmas Party.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga mahimo man nga sayluhon sa iban nga adlaw ang Christmas Party santo sa duty schedule sa tagsa ka police station sa syudad kag probinsya sang Iloilo.
Suno kay Malong, ginadumili-an ang anu man nga sahi sang solicitation kasubong sang pagkaon ukon kwarta.
Magluwas diri, ginadumili-an man ang pag-inom sang makahulubog nga ilimnon santo sa mandu ni Presidente Rodrigo Duterte.
Ang mga madakpan nga nagalapas sa pagsulundan ang pasakaan sang kaso santo sa Code of Conduct and Ethical Standards.
