Nagalaum sa gihapon ang mga church leaders sa Iloilo, nga masulit pa ang mga hublag-kontra korapsyon sa pungsod.
Sa interview sang Bombo Rdayo kay Jaro Archdiocesan Social Action Center director nga si Msgr. Meliton Oso, iya ginpahayag nga magapadayon ang ila kawsa nga mapanabat ang mga politiko sa likod sang mga kurapsyon.
Ginalantaw man sini nga rason kun ngaa nagbuhin ang nagbuylog sa gintalikdan nga Trillion Peso March Rally kahapon nga adlaw, bangud sa mga importante man nga hilikuton sang pila ka mga organisasyon.
Dugang pa sini nga bangud sa ginhiwat nga Trillion Peso March Rally 2.0, mas nagdamo pa ang kawsa nga ginapakigbato sang tagsa ka hubon sa sosyudad kag indi lamang ang mga maanomalya nga mga flood control projects.
Ginapakigbato man sa karun sang nagkalain-lain nga hubon ang kawsa sang mga manugbaligya, mamumugon, hubon sang mga manugbulong, kawsa sa agrikultura kag kinamatarong sang mga pamatan-on.
