Magapatigayon sang isa ka palagwaon ang West Visayas State University- Uway Theatre Company, Inc. kag ang Dr. Graciano Lopez Jaena Foundation, Inc.
Ini amo ang Ciano: A Hiligaynon Musical Honoring the Legacy of Ilonggo Hero Graciano Lopez Jaena.
Sa interview sang Bombo Radyo kay Mia Fe Lopez Cruz, Presidente sang Dr. Graciano Lopez Jaena Foundation, iya ginpahayag nga isa ini ka pamaagi agud ipahibalo sa mga Ilonggo ang tuman ka importante nga papel nga gintungdan ni Graciano sa maragtas sang Pilipinas.
Suno kay Lopez- Cruz nga great grand niece ni Lopez Jaena, ang amo nga musical magapakita man sang maduagon nga kabuhi sang Ilonggo nga baganihan, ang iya kaisog, ang gahum sang iya mga tinaga kag ang kontribusyon niya sa pungsodnon nga identity.
Ipasundayag man diri ang mga original Ilonggo compositions.
Ang Ciano:the Musical patigayunon sa West Visayas State University Cultural Center sa Nobyembre 19,21, kag 23.
