Ginklaro sang Criminal Investigation and Detection Group 6 (CIDG-6) nga indi pagpang-abduct kundi legit operation nga ila ginpatigayon sa Brgy. Cabugao Sur Pavia, Iloilo sang Pebrero 23 .
Ini matapos mapuhag ang pumuluyo sa natabo nga pagpalupok sang pusil kag pilit pasakay sa awto sa isa ka lalaki nga ginkilala kay Mark Alarcon kag ginsundan pa ini sang isa pa ka buy-bust operation sang armas malapit sa Pavia plaza sa isa ka babayi nga ginkilala kay Stephanie Guillem.
Sa interview sang Bombo Radyo kay PLt. Job Lujan, deputy chief sang CIDG Iloilo kag Guimaras, iya ginpahayag nga ang ila pag-aresto ang paagi sa arrest warrant kag buy-bust operation nga may kaangtanan sa kaso sang illegal nga armas ukon ang Republic Act 10591 ukon Comprehensive Firearms and Ammunition Regulation Act.
Suno pa sa iya nga ang nasambit nga operasyon ang sa idalom sang ila flagship program nga ”Oplan Paglalansag Omega.”
Suno pa sa opisyal nga may ara sang “accidental firing,” nga natabo bangud sa madugay nga pag-control sang mga personnel sa subject nga si Mark Alarcon.
Gindugang pa ni Lujan nga ginarespeto naman sang CIDG ang imbetigasyon sang Police Regional Office 6 nga ang isa ka parte sang reklamo may kaangtanan sa gin-alegar nga love quarrel nga ginlakipan sang former boyfriend naman ang sa kay Stephanie Guillem.
Ginapanindugan naman sang CIDG-6 nga nag-coordinate man ang ila provincial officer sa hepe sang kapulisan sa Pavia antes ginpatigayon ang operasyon bilang kabahin sang koordinasyon sa lokal nga kapulisan.
