Handa ang pinuno sang Criminal Investigation and Detection Group (CIDG) nga magtestigo batok kay Vice President Sara Duterte pananglitan ipatawag siya sang impeachment court.
Suno kay CIDG Director MGen. Nicolas Torre III, magadepende pa gihapon ini sa opinyon sang Department of Justice (DOJ) kag prosecution panel kun kinahanglan ukon indi ang testimoniya halin sa ila nga opisina.
“Sa ngayon, let me not put the cart before the horse because ang mga investigation against kay VP Sara ay joint palagi na ginagawa ng NBI at saka ng PNP CIDG under the offices of the DOJ. Depende sa kung ano ang magiging pananaw ng DOJ at saka ng mga prosecution panel kung kailangan nila ang testimony namin,” kabahin sang pahayag ni Torre.
Matandaan nga sang Nobyembre, gin-track sang CIDG ang statement ni Sara nga ginaalegar may gin-kontrata ini nga patyon si President Ferdinand Marcos, Jr., First Lady Liza Marcos, kag House Speaker Martin Romualdez pananglitan may magpatay man sa iya.
Apang suno kay Torre, indi lang sini anay pag-unahan ang mga statement bangud ang imbestigasyon kay Sara ang joint efforts sang National Bureau of Investigation (NBI) kag CIDG sa idalom sang DOJ.
Nobyembre sang gin-subpoena man sang NBI si Duterte kaangot sa “kill threat” batok sa chief executive, apang wala si Sara nagpakita.
Pebrero 5 sang gin-impeach si Sara sang Kamara bangud sa grounds nga violation of the constitution, betrayal of public trust, graft and corruption, kag other high crimes.
