ILOILO – Ginpanindugan sang Criminal Investigation and Detection Group (CIDG) nga lehitimo ang ila ginpatigayon nga operasyon sa Lahug Tapaz, Capiz kag Calinog, Iloilo sa diin siyam ang napatay kag pulo ang arestado.
Sa exclusive interview sang Bombo Radyo Iloilo kay Police Lt. Col. Gervacio Balmaceda, pinuno sang Criminal Investigation and Detection Group Region 6, iya ginpahayag nga iya ginpahayag nga ang nasambit nga operasyon ang kabahin sang Oplan Paglalansag Omega ukon Campaign against Loose Firearms.
Suno kay Balmaceda, 28 tanan ka mga search warrant ang ginserbe sa mga subject.
Ginpahayag ni Balmaceda nga pito ang naaresto sa Calinog, Iloilo.
Ini ang ginalakipan sang:
3 sa Brgy. Masaroy
4 sa Brgy. Garangan
Matandaan nga 10 tanan ang mga naaresto sa Tapaz, Capiz nga ginserbehan sang search warrant.
Ang mga naaresto sa Tapaz, Capiz ang ginalakipan sang :
1 sa Brgy. Lahug
2 sa Brgy. Tacayan
4 sa Brgy. Roosevelt
1 sa Brgy. Aglinab
1 sa Brgy. Acuña kag
1 sa Brgy. Nayawan
Ang mga napatay sa Tapaz, Capiz ang ginalakipan sang:
3 sa Brgy. Lahug
1 sa Brgy. Tacayan
1 sa Brgy. Aglinab
1 sa Brgy. Acuña kag
1 sa Brgy. Da-an Sur kag
2 sa Brgy. Nayawan
Gin-athag ni Balamaceda nga ang operasyon ang santo sa mga impormasyon nga ila natipon halin sa sibilyan sa lugar nga may mga presensya sang personalidad nga nagahupot sang matag-as nga kalibre sang armas.
Nahibaluan nga ang operasyon ang resulta sang gintingob nga pwersa sang Philippine Army kag Philippine National Police kung sa diin ini ang ginpangunahan sang Criminal Investigation and Detection Group National Office.
Narekober man sa lugar ang indi lisensyado nga mga matag-as nga kalibre sang armas kag granada.
