SINGAPORE- Ginpalawig pa tubtub sa Hunyo 1 ang circuit breaker ukon lockdown sa Singapore.
Suno kay Bombo International Correspondnet Mercy Saavedra Cacan, nagdesisyon ang gobyerno sang Singapore nga palawigon ang pagpatuman sang quarantine tubtub nga mabalik sa normal ang sitwasyon.
Suno kay Cacan, naanad naman sila sa Singapore sa ginakabig nga new normal nga sitwasyon bangud madamo sa gihapon ang nagapositibo sa Coronavirus Disease 2019 (COVID-19).
Limitado man suno kay Cacan ang makaguwa sa tagsa ka balay kag ginapatuman man ang One Entrance, One Exit Policy sa merkado lakip na ang numering system santo sa National ID.
Sa subong suno sa natungdan, wala sang suspensyon sa pampubliko nga transportasyon apang hugot nga ginapatuman ang physical distancing.
