Ginklaro ni Iloilo City Councilor Romel Duron nga wala sini gina-apinan si former President Rodrigo Duterte apisar nga nagasimpatiya ini sa anay presidente.
Ini kasunod man sang pag-aresto kay Duterte bangud sa International Criminal Court arrest warrant sa kasal-anan sini nga crime against humanity.
Sa interview sang Bombo Radyo kay Councilor Duron, iya ginpahayag nga kon napasakaan sang kaso ang anay presidente sa Pilipinas, wala na siya kuntani gindala sa The Hague, Netherlands.
Suno kay Duron, indi na lang siya maghatag sang komentar sa kon legal ukon iligal ang pagpadala sang gobyerno sa anay presidente.
Ginkwestyon man sini kon ngaa nadugayan gid ang administrasyon ni President Ferdinand Marcos, Jr. sa pagpasaka sang kaso batok kay Duterte apisar nga wala na ini sa gahum.
Gin-ako man sang natungdan nga may mga kapaltahan gidman sa war on drugs ni Duterte apang indi manegar nga may hinimuan man ini sa pungsod.
Nagapati man ini nga ang layi sa Pilipinas ang indi magamit sa International Court of Justice, conviction man ini ukon acquittal.
