Ginaplano ni Iloilo City Councilor Rudolph Ganzon nga magbutang sang Mental Health Awareness Desk sa tagsa ka barangay sa Iloilo City.
Sa interview sang Bombo Radyo kay Councilor Ganzon, iya ginpahayag nga ang tikang ang kabahin man sa ginpasar nga ordinansa nga nagatutok sa ikaayo sang panghuna-huna ukon mental health.
Apang, suno kay Ganzon, may mga technical man nga aspeto nga kinahanglan nga ikonsiderar.
Ginpahayag man sini nga ang tikang ang may tuyo nga mag-address sang ‘immediate’ needs sang mga nagasuprer sang mental health crisis.
Nagapati naman ang natungdan nga mas madasig nga masolusyunan ang problema kon may yara sang desk ang barangay nga magatutok sa mental health.
