ILOILO CITY–Ginpasalig ni Atty. Ferdinand Panes sang City Department of Interior and Local Government (DILG), nga indi makasuhan sa ulihi si City Treasurer Jinny Hermano kun painan sang sweldo ang excess job hire.
Sa ginpatigayon nga legislative inquiry, ginpahayag ni Atty. Panes nga indi na bag-o ang kasubong nga hitabo sa diin may yara sang nagkalain-lain nga panindugan ang alkalde kag ang city treasurer tuhoy sa pondo sang syudad.
Ginpahayag ni Atty. Panes nga sa kahimtangan nanday Mayor Jose Espinosa III kag City Treasurer Hermano, may yara sang remedyo nga mahimo sundon.
Santo sa layi suno kay Panes, mahimo nga makasulat si Hermano sang rekomendasyon tuhoy sa posible madangatan sang syudad kun ipamilit ni Mayor Espinosa nga maswelduhan ang mga excess job hire.
Nakadepende na kay Espinosa bilang superior official kun iya sundon ang rekomendasyon ni Hermano apang kun ipamilit gid sang alkalde ang iya luyag kag mabulilyaso sa ulihi, wala na diri sang salabton pa ang City Treasurer bangud nga may yara siya sang rekomendasyon nga ginpasa.
