𝗜𝗟𝗢𝗜𝗟𝗢 𝗖𝗜𝗧𝗬 — Ginakabig sang Iloilo City District Engineering Office nga isa ka pagpanghangkat ang mga nagakalatabo sa ila subong kasunod man sang pagpasar sang resolusyon sang City Government batok sa ila nga komitiba.
Sa interview sang Bombo Radyo kay Ms. Femma Guadalupe, Public Information Officer sang nasambit nga talatapan, iya ginpahayag nga apisar sang nagkalatabo, magakoordinar sila sa gihapon kay Iloilo City Mayor Treñas agud maresolba ang amo nga problema ilabi na nga bag-o lang gid sila nagsaylo sang opisina.
Suno kay Guadalupe, nagpakig-istorya sila kay Engr. Niel Ravena agud pormal nga ma-turn over ang ila nga opisina kag matigayon nga makahalin.
Ginpaathag man sini nga wala sila nag-overdue sa pagtinir sa anay nga opisina sa Fort San Pedro, Iloilo City.
Wala naman nagkomento ang natungdan sa pagdeklara sang alkalde nga persona non grata kay Engineer Roy Pacanan.
Nagpasalamat man si Guadalupe kay Treñas sa kahigayunan nga ginahatag sini agud nga makatinir sa anay nga opisina sa sulod sang apat ka dekada.
