Full force nga kakson kag utdon sang Iloilo City Engineers Office ang linya sang kable sang telecommunications company sa Enero 2, 2024 nga wala sa gihapon mahimos.
Sa interview sang Bombo Radyo kay Mr. Joel Gerasmia, Electrical Inspector II, City Engineers Office, iya ginpahayag nga sa iya paglibot sa syudad, may mga dalagko-an sa gihapon nga mga wires ang wala pa nahimos sa pila ka mga poste.
Suno kay Gerasmia, ang MORE Electric Corporation pa lang na-obserbahan sini nga obligado sa pagpangkakas sang ila nga linya.
Gin-ako man sini nga ang exemption sang mga telco companies ang tubtob lamang subong nga adlaw, Disyembre 31, kag kon indi ini makakas, sila na mismo ang magabaklas sa Enero 2.
Ginpahayag man sang natungdan nga apisar nga expired na ang exemption sang mga telco companies sa Enero 1, pwede sa gihapon sila makahingagaw pangkakas sang ila linya tubtob wala pa nakabalik operation ang City Engineers Office.
