Ginsuguran na sang Iloilo City Engineers Office ang pagpangbaklas sang mga kable sang telecommunications company sa syudad.
Ini kasunod man sang pagbalik-operasyon sang opisina kag matapos nga nag-expired na ang extension sang exemption sa mga telco companies sang Disyembre 31, 2024.
Sa interview sang Bombo Radyo kay Mr. Joel Gerasmia, Electrical Inspector II sa City Engineers Office, iya ginpahayag nga antes sila nagsugod kaina sang ala-1 sang hapon, ginpatawag ang mga telco companies agud nga sapulon sa tikang nga pagbaklas sang ila mga kable.
Suno kay Gerasmia, handa naman ang mga telecommunications company nga kakson ang ila nga linya.
Gin-una naman sang talatapan baklas ang mga wire nga yara sa ibabaw kag ginsunod ang yara nakahamtang sa mga poste.
Nagpasalig man ang mga telecommunications company nga sila na mismo ang magabot sang ila nga mga poste.
