Gin-ako sang city government nga ang National Telecommunications Commission (NTC) ang wala pa sang device agud nga makapatuman sang signal jamming sa pila ka mga designated area sa Iloilo City kaangot sa Dinagyang Festival 2025.
Sa interview sang Bombo Radyo kay Ms. Joy Fantilaga, Spokesperson ni Iloilo City Mayor Treñas, iya ginpahayag nga sa subong wala pa sang gamit ang NTC kag wala sang technical capabilities agud magpatuman sang amo nga tikang.
Suno kay Fantilaga, kon ang signal jamming ang intended agud nga makasekyar sang seguridad kag safety sang mga turista, bukas siya sa tuyo sang Iloilo City Police Office (ICPO) nga signal jamming.
Gin-athag man sini nga targeted lamang ang mga lugar kaangay sang mga judging area ang butangan sang signal jamming.
Indi naman magpasugot ang alkalde sa tikang kon ang signal jamming ang makaapekto sa pila kabanwahanan nga malapit sa syudad lakip na ang isla sang Guimaras.
