Tinguhaan ni Iloilo Mayor City Raisa Treñas nga indi lang fuel subsidy ang igahatag sang city government sa mga transport sectors kun indi amo man ang rice subsidy.
Ini amo ang kabahin sang mensahe ni Treñas matapos ang tagtaganay sang fuel subsidy coupon sa mga tricycle drivers sang City proper nga ginpatigayon sa City Hall, subong nga adlaw.
Suno sa iya, sa tion sang krisis, ubrahun gid niya ang iya masarangan agud mabuligan ang transport sector paagi sa paghatag sang nasambit nga subsidiya.
Ginpakigbahin man sang alkalde nga gina-finalize na lang ang mga kinahanglanon nga mga dokumento bangud kabahin man sang fuel subsidy program sang Department of Social Welfare and Development (DSWD) ang mga tricycle drivers nga una pagahatagan sang subsidya.
