ILOILO CITY – Ginapahanda na ni Iloilo City Mayor Jerry Treñas ang P100 million nga pondo para sa syudad sang Iloilo agud ibakal sang COVID-19 vaccine kun mangin available na ini sa masunod nga tuig.
Suno kay Mayor Treñas, ‘identified’ na ang nasambit nga budget.
Unahon suno sa iya ang mga frontliners sang syudad ilabi na ang mga empleyado sang Iloilo City Hall kag ang mga barangay officials.
“Gapa-preparar ako P100 million para sa masunod nga tuig para ibakal vaccine. Ini nga vaccine para sa inyo. I want to assure you nga kamo ya baklan sang Iloilo City Government sang vaccine. Unahon ta gid ang taga-City Hall kay kamo ya ang sa frontline, upod man ang aton nga mga barangay officials.”
Nagpasalig ang alkalde nga magapaninguha ang Iloilo City Government nga makabakal sang bakuna kun hinali nga magkabos ang ginhanda nga pondo sang national government.
“We don’t know when the vaccine will be available, but as far as Iloilo City is concerned, I want to assure you that we will purchase vaccines for you and your families.”
