ILOILO CITY – May yara sang witness nga makapamatuod nga naglabot sa 180 ka kasal ang peke nga ginrehistro sa Local Civil Registrar.
Ini ang may kaangtanan sa pagbuyagyag ni Iloilo City Mayor Jerry Treñas nga may yara sang anomaliya sa ginrehistro nga mga kasal.
Sa interview sang Bombo Radyo kay Atty. Edgar Gil, City Legal Officer, iya ginpahayag nga may yara sang isa ka preso nga nagpaguwa sang affidavit tuhoy sa nagakatabo nga anomaliya sa Local Civil Registrar.Suno kay Atty. Gil, ang mga peke nga kasal ang ginpatigayon sang indi otorisado nga persona kasubong ni certain Judge Artuz nga ginbawi-an sang lisensya.
Ang iban sa mga nagpakasal ang napilitan nga magbayad sang mahal kabaylo sang madasig nga pagproseso sang marriage certificate.
Ginpahayag ni Atty. Gil nga yara na sa National Bureau of Investigation ang pag-usisa tuhoy diri.
Ang maathag suno sa natungdan nga may yara sang salabton si Local Civil Registrar Head Juncae Manikan.
