ILOILO CITY – Nagpasa na sang Motion for Early Resolution ang City Legal Office agud nga padasigon sang Local Board of Assessment Appeals ang pagsuma sang penalties kag saka sa buwis sang Panay Electric Company.
Sa interview sang Bombo Radyo kay Atty. Edgar Gil, pinuno sang City Legal Office, iya ginpahayag nga ang Iloilo City Government kag ang Panay Electric Company ang lunsay naghisugot nga padasigon sang Local Board of Assessment Appeals ang pagsuma sang nabilin nga balaydan.
Suno kay Atty. Gil, nakahanda nga magbayad ang nasambit nga electric company apang ila pa nga ginahulat ang desisyon sang Local Board of Assessment Appeals.
Antes pa man sini, ginpahayag ni Atty. Gil nga na-istorya niya ang legal counsel sang Panay Electric Company nga nagpabutyag sang kahandaan sa pagbayad.
