ILOILO CITY – Gindeklara ni Iloilo City Mayor Jerry Treñas nga umpisa sa Lunes, Marso 16, 2020 tubtob Marso 29, 2020, wala sang klase sa tanan nga level sa syudad sang Iloilo.
Sa interview sang Bombo Radyo kay Mayor Treñas, iya ginpahayag nga indi buot silingon nga ginkansela niya ang klase, hilway na ang mga estudyante nga mag lagaw-lagaw sa mga mall.
Pahayag niya, ipatuman mismo sa mga mall ang pagtsekyar sa mga ID agud mahibaluan kun bala estudyante ini ukon indi.
Ang lihok sang alkalde ang isa lang sa mga preventive measures sang Iloilo City Government kag agud ma proteksyonan ang mga kabataan.
Nahibaluan nga sapulon man ang mga cockpit operators agud hingyuon nga wala anay sang bulang kag sapulon man ang mga kaparian agud hingyuon nga ipa-iway temporaryo ang paghiwat sang misa nga may madamo sang tawo.
Kun mahimo, sa live streaming lang temporaryo ang paghiwat sang misa.
