ILOILO CITY – Nagahingyo sang bulig si Iloilo City Mayor Jerry Treñas sa mga barangay sa syudad sang Iloilo may kaangtanan sa pag sekyar sa mga layaw nga ido.
Sa interview sang Bombo Radyo kay Treñas, iya ginpahayag nga mas makapamaayo kun butangan sang dog pound ang tagsa ka mga barangay agud nga matipon ang mga layaw nga ido.
Suno sa alkalde, ginaplanohan man sang Iloilo City Government nga magpatukod sang dako nga dog pound sa Calajunan, Mandurriao agud nga matipon ang mga ido.
Dugang pa sang natungdan, may yara sang lugar ang Iloilo City Veterinary Office nga dog pound apang limitado lamang ini.
Ang mga layaw nga ido ang indi lamang problema sang Iloilo City Government kundi amo man sang mga kabaranggayan.
Nagapanawagan si Mayor Treñas nga magbuliganay ang tanan sa pagsekyar sa mga layaw nga ido agud indi ini makapanghalit sa mga pumuluyo.
