ILOILO CITY – Nagpanugyan si Iloilo City Mayor Jerry Treñas sa composite team nga nagabug-os sa road clearing operations kag sa Department of Interior and Local Government Unit nga padayunon ang pagpanghawan sa mga dalanon sa syudad sang Iloilo.
Nakigsapol sang damlag lang ang alkalde sa mga nagabug-os sang road clearing operations agud nga siguraduhon nga apisar natapos na ang 60 day nga plaso ni Presidente Rodrigo Duterte, indi sa gihapon mag untat ang mga ini sa operasyon.
Sa interview sang Bombo Radyo kay Treñas, iya ginpahayag nga iya man ginamanduan ang mga barangay officials nga siguraduhon nga mapabilin anng katawhay sang mga dalanon bangud responsibilidad man nila nga sekyaron ang ila tagsa ka barangay.
Nahibaluan nga ginhatagan ni Ms. Maredith Madayag, Department of Interior and Local Government Officer sang Bacolod City, sang satisfactory rating nga 70% tubtob 80% ang syudad sang Iloilo santu sa iya nga pag-validate kag pag-evaluate sa Oplan Hawan.
