ILOILO CITY – Gin-umpisahan na ang Oplan hawan karsada sa Brgy. Zamora Melliza, Iloilo City Proper.
Sa interview sang Bombo Radyo kay Punong Barangay Peter Abadiano, iya ginpahayag nga nagabulig man sila sa Philippine National Police kag Anti-Squatting and Illegal Structures Unit agud nga magsaway sa mga pumuluyo nga nagasablag sa mga dalanon.
Suno kay Abadiano, wala sila may mahimo kun indi magsunod ang iban bangud bilang opisyal sang barangay, makasaway lamang siya kag kun indi magpati ang iya pumuluyo, pasakaan ini sang nagakaigo nga kaso.
