ILOILO CITY–Gin-athag ni Iloilo City Treasurer Jinny Hermano nga wala siya sang kalain sang buot kanday Mayor Jose Espinosa III kag City Administrator Atty. Hernando Galvez.
Ini matapos nga ginpamangkot ni City Councilor Lyndon Acap ni Hermano kun nga-a wala siya nagatambong sa pagsinapol sang mga department head sa kada Lunes nga adlaw.
Suno kay Acap, indi niya mahangpan kun nga-a wala nagatambong si Hermano sa pagsinapol sang mga department head.
Sabat naman ni Hermano, wala nagapati si Atty. Galvez sa pirma sang assistant city treasurer bangud nga kinahanglan nga anay mga wala ang iya presensya.
Kasubong suno kay Hermano nga wala naman sang pulos ang iya pagtambong sa pagsinapol bangud nga ginapatu-patuan na lang ang iya talatapan kun nga-a wala naswelduhan ang mga job hire.
Ang iya lang suno kay Hermano amo nga nagalikaw na lang siya sa gamo kag kun ipatawag siya ni Mayor Espinosa, wala man sang problema suno sa iya.
Ugaling suno sa City Treasurer, wala siya sang may nabaton nga abiso gikan kay Mayor Espinosa.
