Puno sang excitement kag kalipay nga gin-abi-abi sang fans kag Miss Grand International (MGI) officials ang Filipina beauty queen nga si Christine Juliane “CJ” Opiaza sa iya pag-abot sa Thailand.
Lakip sa MGI officials nga nag-welcome sa iya amo ang big boss sa organisasyon nga si Nawat Itsaragrisil.
Subong na adlaw, Hunyo 3, natalana ang opisyal nga koronasyon kay CJ bilang titleholder sa 2024 edition matapos ang natabo nga kontrobersiya sa anay gindeklarar nga winner nga si Rachel Gupta sang India.
Isa ka season pageant girl ukon kontisera si CJ halin sa Zambales nga kilala sa iya matahum nga pasarela kag nagbulig man sa paghanas sa iban nga beauty queens sa Pilipinas.
Base sa gin-anunsyo sang MGI organization, alas tres karon sa hapon ang ‘crowning ceremony’ sa MGI Hall of Bravo BKK sa Bangkok.
Ini ang una nga golden crown sang Pilipinas matapos ang first runner-up finish nanday Nicole Cordoves kag Samantha Bernardo sang 2016 kag 2020.
