Gindepensahan ni Palace Press Officer Claire Castro ang komedyante kag host nga si Vice Ganda kasunod sang pag-ulan sang pagpakamalaot halin sa Duterte supporters bangud sang iya viral skit nga “jet ski holiday” kadungan sang isa ka concert.
Nakonekta kag namensyonar ni Vice ang mga tinaga nga The Hague, ICC, West Philippine Sea, jetski, kag DDS sa trending nga “Jet 2 holidays” advertisement rason nga nagwangal ang mga taga-suporta ni former President Rodrigo Duterte.
“Nothing beats a jet ski holiday, right now from Manila to the West Philippine Sea via jet ski. Get unlimited water bombing from Chinese vessels and a free trip to The Hague by the ICC (International Criminal Court). Promo applies to DDS (Diehard Duterte Supporters) only. Pinklawans and BBMs are prohibited. Huwag niyo akong subukan, mga pu**i niyo,” pahayag sini sa concert.
Sa iya naman nga personal nga YouTube account, nagpahayag si Castro nga indi dapat ma-offend ang mga Duterte Supporters bangud indi man himu-himo ni Vice ang istorya, kundi mismo si former President ang naghambal sini.
“This is not a made-up story or a joke. This came from former President Duterte himself, so don’t be offended, DDS,” suno sa Palace official nga nagapatuhoy sa jetski promise.
Matandaan nga sang 2016 presidential campaign, nagpromisa si Duterte nga magsakay sa jet ski pakadto sa Spratly Islands kag ibutang didto ang hayahay sang Pilipinas, apang wala man natabo kag sang ulihi gin-ako nga “joke” lang ini nga ginpatihan sang mga tawo nga iya gintawag nga stupid.
“Isn’t it true that China used water cannons against our Philippine Coast Guard?” dugang pa sini.
“This makes it seem like Vice Ganda is the rude one, but wait—who is really rude? Who uses foul language? Who insults Filipinos, right? Who is truly indecent?” pamangkot pa sini.
Nagdepensa man si Akbayan Representative Perci Cendaña sa komedyante kag nagsiling nga kun ma-deklarar man ini nga persona non grata, wala sang problema, bangud suno sa iya, “persona bonggang-bongga” naman si Vice para sa ila.
“Speaking truth to power is most potent when it makes people laugh… Laughter is not only the best medicine, it is also the best wake-up call,” kabahin sang statement sang kongresista, nga naglaragway pa sang skit ni Vice nga “pagpapatawa na may pagmumulat at paninindigan.”
Para naman kay Vice President Sara Duterte, nakadepende man sa city council sang Davao kun ideklarar nila si Vice nga persona non grata sa ila hometown.
Wala naman ginpalampas ni former presidential spokesperson Atty. Harry Roque ang ginhimo sang comedian-host. Pahayag pa sang long-time Duterte ally, “‘pag ang isang tao ay nakadapa na, hindi na sinisipa, Vice Ganda!”
Nagpahanumdom man ini nga “bilog ang daigdig” kag dapat suno sa iya nga mag-andam ang komedyante pananglitan magbaliskad ang mga hitabo kag siya naman ang “sipaon” sang mga nagapalangga sa former president.#
