Nangin positibo ang feedback sang pila ka mga kabarangayan sa Iloilo City Traffic Management Unit (ICTMU) sa ila pag-implementar sang clamping operation batok sa mga naga-on road parking.
Sa interview sang Bombo Radyo kay Retired Police Colonel Uldarico Garbanzos, head sang Iloilo City Traffic Management Unit, iya ginpahayag nga nangin dako nga bulig sa pila ka mga barangay sa syudad ang pagpang-clamp sa mga salakyan nga naga-park sa mga dalan nga ginadumilian.
Suno kay Garbanzos, sang ila ginbalikan ang mga lugar nga may masami nagabayolar sang on road parking policy, may yara sa gihapon nga nabilin nga pasaway.
Gintumod man sini nga indi pa sa subong mabatyagan sa dalan ang epekto sang hugot nga pagbantay sa mga prohibited areas agud indi na maka-park pa ang mga salakyan.
Nahibaluan nga manog isa pa lang ka bulan sugod sang nag-umpisa ang talatapan sa pagpatuman sang nasambit nga tikang.
