Nagpaalam na ang Filipino-American NBA Utah Jazz player nga si Jordan Clarkson sa basketball fans nga nagbantay gid sa Gilas Pilipinas sa FIBA Basketball World Cup 2023.
Sa iya Instagram post, nagpakigbahin ang Gilas frontrunner sang mga laragway nga kuha sa amo nga tournament. May caption ini nga, “world cup! love, see yall again.”
Isa si Clarkson sa top scorers sa points per game category subong nga tournament nga naunahan lamang sang Dallas Mavericks star nga si Luka Doncic sang Slovenia.
Sa katapusan nga hampang sang Pilipinas sa classification phase batok sa China, indi man malimtan ang nagasingkal nga performance sang Jazz superstar nga may 34 puntos kun sa diin 24 puntos ang ginbubo sa third quarter nga may apat ka sunod-sunod nga tres.
Sa press conference, ginpakigbahin man sini nga indi ini ang katapusan nga tuig nga magahampang siya para sa Pilipinas sa World Cup.
