Naglab-ot na sa masobra 400 classrooms sa nanuhay-tuhay nga mga eskwelahan sa Iloilo ang nakitaan sang mga litik nga resulta sang sunod-sunod nga linog.
Sa interview sang Bombo Radyo kay Mr. Leonil Salvilla, spokesperson sang DEPED Division of Iloilo, iya ginpahayag nga base ini sa ginhimo nga damage assessment sa masobra 100 nga mga eskwelahan nga nagsumiter sang ila nga damage report kasunod sang serye sang mga pagtay-og.
Suno kay Salvilla, yara sa kapin 40 ang may major damages kag ginabanta 150 naman ang may minor damages.
Indi naman magnubo sa 10 classrooms ang ginrekomenda sang mga engineers nga ipa-demolish na lamang bangud makabig nga unsafe for occupancy.
Ini nga mga classrooms ang nahamtang sa mga eskwelahan sa Pototan, Estancia, Barotac Viejo, Banate, Guimbal, kag Ajuy.
Sa subong, padayon pa ang validation sa iban nga mga eskwelahan agud ma-check kun mahimo pa nga ma-rehabilitate ukon i-demolish na lamang.
Yari ang mga eskwelahan kun sa diin nahamtang ang mga classrooms nga subject nga i-demolish.
1.Danao Elementary School, Pototan
2.Malbog Elementary School, Estancia
3.Bayas Elementary School, Estancia
4.Paon Elementary School, Estancia
5.Nagpana Elementary School, Barotac Viejo
6.Libertad Integrated School, Banate
7.Nanga Integrated School, Guimbal
8.Igcocolo Elementary School, Guimbal
9.Nalundan National High School, Guimbal
10.Talucgangan Elementary School, Banate
11.Culasi Elementary School, Ajuy
