Wala ginkalimtan sang aktres nga si Claudine Barretto nga dumdumon ang ika- 46 nga kaadlawan sang nagtaliwan sini nga nobyo nga si Rico Yan.
Nagpost sang video sa Instagram si Claudine sa diin iya ginpahayag nga bangud birthday ni Rico Yan, luyag niya ini nga iselebrar kag dumdumon pinaagi sa paghanda niya mismo sang pagkaon sa ila nga balay.
Gin-greet mismo ni Claudine sang “Happy Birthday” si Rico Yan kag nagpabutyag ini nga indi gid niya mahimo kalimtan ang anay aktor.
Nahibaluan nga nagtaliwan si Rico Yan sang 2002 sa cardiac arrest bangud sa acute hemorrhagic pancreatitis sa edad nga 27.
