MIAGAO ILOILO-– Ginpatpat sang militar kun ano ang ila mga preparasyon para sa pagsaulog sang Semana Santa.
Sa exclusive interview sang Bombo Radyo kay Lt. Col Joel Benedict Batara, commanding officer sang 61st Infantry Battalion sang Philippine Army iya ginpahayag nga naga-coordinate na sila sa mga stakeholders agud masigurado nga seguridad sang mga magapadulong sa mga pilgrimage sites.
May yara man suno kay Batara sang mga internal security operations ang militar agud mapasigurado ang kalinung kadungan sang selebrasyon sang kwaresma.
Nagapatigayun man sila sang mga public advisories bangud may mga areas sa Southern Panay nga may mga kalakasan nga nagaluntad.
Lakip man sa ila preparasyon suno kay Batara amo ang pagpatigayun sang clearing operations kag nagakadto sa mga kabalayan sang pumuluyo agud mapahibalo kun ano ang nagakadapat nga himuon.
Wala man nagbag-o suno sa iya ang manda to sang militar nga ipatuman ang layi, protehiran ang mga tawo kag igasecure ang tagsa ka areas nga sakop nila.
