Nag-apply sa Department of Health (DOH) ang Chinese pharmaceutical companies nga nagpatigayon sang clinical trial sa Pilipinas.
Ini ang paathag sang legal counsel sang isa ka recruitment group nga nagapatigayon sang clinical trial para sa Chinese brand sang COVID-19 vaccine sa Iloilo City.
Sa interview sang Bombo Radyo kay Atty. Eduardo Reyes III, iya ginpahayag nga yara na sa third phase ang mga nagapatigayon sang clinical trial sa diin diri na matumod ang efficacy ukon ang ka-epektibo kag safety sang bakuna antes ini ipaggwa sa mga merkado.
Suno sa natungdan, mga doktor kag researchers ang ginpili sang pharmaceutical company agud maghiwat sang clinical trial kag may pagsulundan ang mga ini nga ginasunod.
Sa tion nga matapos ang phase III sang clinical trial, iga-assess man sang Department of Science and Technology (DOST) ang resulta.
