Naaresto sang mga otoridad ang pareho nga akusado ni anay Senator Ramon “Bong” Revilla Jr. nga si Christina Mae del Rosario Pineda sa Benguet kaina sang aga sang Martes, Enero 20.
Nadakpan si Pineda sang PNP-CIDG Mountain Province Provincial Field Unit kag 1st Provincial Mobile Force Company sang Benguet Police Provincial Office sa may Barangay Bangai, Buguias, Benguet.
Ini ang may kaangtanan sa kaso nga malversation bangud sa P92.8 million ghost flood control project sa Pandi, Bulacan.
Si Pineda ang cashier sang DPWH Bulacan First District Engineering Office.
Kalakip siya sa pito nga gin-isyuhan sang arrest warrant sang Sandiganbayan Third Division kag hold departure order sang Lunes.
Ang iban pa nga akusado nga si Revilla ang nag-surrender sa PNP-CIDG.
Samtang, sanday anay DPWH Bulacan Assistant District Engineer Brice Hernandez kag Jaypee Mendoza, nga pareho nga nagtambong sa hearing sang Senado sa flood control anomaly, ang gin-aresto man kahapon sang NBI operatives sa Senado.
