Nagpangayo sang kapatawaran sa mga Pilipino, ilabi na gid sa iya pamilya, si anay Ako Bicol Representative Zaldy Co sa iya ikatatlo nga video statement nga ginpagwa kahapon, Nobyembre 16.
Suno kay Co, ginhimo lamang niya ang mga tikang nga ginmando sa iya, apang subong handa na siya nga atubangon ang tanan nga isyu batok sa iya.
Ginpanindugan man sang anay kongresista nga wala sang kwarta nga nagkadto sa iya, kag ginpaagi lamang sa iya ang pondo antes ini ipadala kanday Presidente Ferdinand Marcos Jr. kag anay House Speaker Martin Romualdez.
Matandaan nga una na nga ginpanginwala ni Romualdez ang mga alegasyon nga ginpahayag ni Co batok sa iya.
Samtang, gintawag man sang Malacañang nga ang mga akusasyon sang anay kongresista amo lamang ang “hearsay” ukon huring-huring nga wala sang klaro nga basehan.
Ginhangkat man sang Malacañang si Co nga magpauli sa pungsod kag sumpaan ang iya mga pahayag sa atubangan sang publiko.
