ILOILO CITY- Gin-anunsyo sang Commission on Audit nga ma-delay ang pagbalhag sang annual audit reports subong nga tuig.
Sa ginpatigayon nga deliberasyon sang House committee on appropriations sang budget sang commission para sa 2025, ginpaathag ni COA Assistant Commissioner Alexander Juliano nga ang kabangdanan sang delay amo nga kinahanglan nila nga i-validate ang mga tikang sang mga ahensiya sa mga audit observations kag sa mga implementasyon sang disallowances ukon charges.
Apang gin-athag niya nga ang publication lang sa website amo ang may delay kag indi ang transmittal sang ila nga audit reports sa mga ahensya.
Suno kay Juliano, ang petsa sang ila transmittal ang Hunyo 30 sa gihapon.
Ginpaathag man niya ang kinahanglan sang COA nga mag- comply sa Section 99 sang 2023 General Appropriations Act (GAA) ukon ang 2023 budget law.
Sa sini nga tuig, dugang ni Juliano nga ang annual audit reports (AARs) ang iga-upload sa Disyembre 1.
Ang Section 99 sang 2023 GAA nagamando nga ang tanan nga ahensya,sa sulod sang 60 ka adlaw humalin sang nabaton ang audit report, ang dapat magpasa sang status report sa ila mga tikang tuhoy sa audit findings kag recommendations.
