Preso ang isa kag manunudlo nga head coach matapos ginreklamo sang pagpangmolestya sang isa ka menor de edad nga lalaki nga beach volleyball player sa Batang Pinoy-Philippine National Youth Games 2025 sa General Santos City.
Base sa imbestigasyon, nagapahuway ang Grade 12 student-athlete sang ginhurikap ini sang head coach sang women’s volleyball team.
Ini nga pagpangmolestiya ang nakit-an man sang isa pa ka atleta nga upod sang tagreklamo.
Ang duwa ka estudyante ang lunsay halin sa San Fernando, La Union kag amo man ang involved nga coach.
Suno sa biktima kag witnesss nga lunsay 17-anyos, nagakatulog sila sa sulod sang billeting area sang nakita sang testigo nga gin-uba sang head coach ang boxer shorts sang biktima kag ginhampangan.
Sang nakita sang suspek ang witness nga nagatulok sa iya, nagpadayon ini sa pagmolestiya sa biktima kag ginhimo ang oral sex sa solterito.
Sang nakabugtaw ang biktima, gilayon sila nga nag-report sa pulis kaupod ang testigo kag gindetalye ang reklamo batok sa head coach.
Gilayon nga gindakop ang head coach kag nagapangatubang subong sang kaso nga Acts of Lasciviousness.
