ILOILO CITY – Gin-tap ni Gilas head coach Chot Reyes ang iya long-time buddy kag PBA’s winningest coach nga si Tim Cone sang Barangay Ginebra nga mangin kabahin sang Gilas Pilipinas coaching staff para sa 2023 FIBA World Cup.
Ini ang ginkumpirmar ni Reyes sa iya acceptance speech bilang Coach of the Year sa PBA Press Corps Awards night.
Ini na ang ika-apat nga tion sang pag-updanay sang duha.
Si Reyes ang nagserbe bilang deputy coach ni Cone humalin sang 1990 tubtob 1992 antes ini nag-assume bilang head coach sang Coney Island of the old Purefoods franchise sang 1993 kun sa diin, nakuha niya ang una nga kampyeonato.
Sang 1998, si Cone ang nangin head coach sang Philippine Centennial Team nga nagdaog sang gold medal sa William Jones Cup kag bronze medal sa Asian Games.
Sang nangin head coach naman si Reyes sang Philippine team humalin sang 2005 tubtob 2007, gin-tap man niya si Cone bilang deputy sang nag-compete ang team sa exhibition games sa Estados Unidos.
