Mas hugton sang Coast Guard District Western Visayas ang checkpoints sa nagkalain-lain nga ports sa rehiyon matapos nga marecover sa indibidwal ang P816 million nga illegal nga droga sa Calapan Port nga dal-on kuntani sa Iloilo City.
Sa interview sang Bombo Radyo kay Commander Rechard Gura, Chief of Staff sang Coast Guard District-Western Visayas, iya ginapahayag nga padayon ang coordination sang ila talatapan sa Philippine National Police (PNP), Provincial Drug Enforcement Unit (PDEU), City Drug Enforcement Unit (CDEU), kag Philippine Drug Enforcement Unit (PDEA).
Ini agud mapatuman ang hugot nga monitoring sa mahimo nga magsulod kag magwa nga ilegal nga droga, partikular na sa mga masako nga pantalan sa rehiyon kapareho sang Caticlan Port, Culasi Port, Dumangas Ports, kag Fort San Pedro.
Dugang pa sang natungdan, may mga tikang na nga daan sila nga ginpatuman para sa inbound kag outbound passengers kag cargos kun sa diin ginapaidalom ini sa X-Ray, deployment sang K9 units, kag pag-bantay sang katapo sang Philippine Coast Guard.
Suno pa sa iya, ang pag-recover sang dako nga balor sang illegal nga droga ang natigayon bangud man sa intel monitoring sa bulig sang nagkalain-lain nga agency.
