Naka-heightened alert na ang Philippine Coast Guard (PCG) Western Visayas sugod subong nga adlaw kadungan man sang holiday season.
Sa interview sang Bombo Radyo Ensign Nick Orense, Flag Staff sang Coast Guard District Western Visayas, iya ginpahayag nga ang tikang ang may tuyo nga makahatag sang matalunsay nga byahe para sa mga pasahero nga nagapauli sa ila mga probinsya.
Suno kay Orense, bangud sa ginalauman nga dako nga volume sang tawo, may mga proactive measures nga ipatuman ang talatapan nga ginatawag ‘Oplan Byaheng Ayos Pasko 2024’.
Matakop naman ang heightened alert sang PCG tubtob sa Enero 3, 2025.
Gin-intensify man sang talatapan ang safety inspection sa tagsa ka mga pwerto sa rehiyom agud mapabilin ang safety sang mga pasahero.
Nagpatuman man sang K9 paneling ang PCG sa mga ‘major ports’ sa Region 6 nga may mataas nga volume sang mga pasahero.
Sa subong, amat-amat na nga nagadugok ang mga tawo sa pwerto sang Dumangas nga may byahe padulong sa Bacolod, Iloilo nga may byahe Guimaras, kag Iloilo going to Bacolod.
